Omschrijving
Un sentimento ku nos tur sa sinti, ta di ke logra más den bida. Tin momentu ku esaki ta un reakshon riba loke nos ta mira rondo di nos i tin momentu ku e ta simplemente un hamber pa demostrá ku nos por hasi muchu más di lokual otronan ta mira of persibí. Ta posibel ku tin un razón más profundo pa e deseo di ke logra más den bida? Deskubrí of redeskubrí e propósito pa ku un hende su bida, ta e kontesta ku ta sasea e impulso den e spiritu, kurpa i alma di e hende ku ke logra más den bida. E buki aki lo inspirá bo i yuda bo den bo viahe di (re)deskubrí bo propósito divino.
Duvilène ta un profeshonal ku Maestria den Organisashon Empresarial i un bachelor den Ingenieria Eléktriko. E ta un profeshonal ku ta kere den Dios i ta bisa: "Señor, ata mi aki, ku Bo boluntat sosodé den mi bida." Eunice, ko-outor di e buki akí, tambe ta un profeshonal, ku Maestria den Kontabilidat i e ta masha konsiente ku su bida no a kuminsá ora ku el a risibí su maestria. Pa e por a logra e tabatin ku traha duru i desaroyá diferente abilidat den su bida. Miéntras ku e tabata krese, el a siña balorá e biahe di logra mas den bida, na nivel natural i spiritual.